കോഴിക്കോട്: ജനാധിപത്യത്തിന്റെ ശക്തി വിളംബരം ചെയ്ത വോട്ടെടുപ്പാണ് കോഴിക്കോട് ഉള്‍പ്പെടെ കണ്ടതെന്നും എല്ലാവിധ കുപ്രചാരങ്ങളെയും അതിജീവിച്ച് തിളക്കമാര്‍ന്ന വിജയം നേടുമെന്നും യു.ഡി.എഫ് സ്ഥാനാര്‍ഥി എം.കെ രാഘവന്‍. സര്‍ക്കാര്‍ സംവിധാനം ഉപയോഗിച്ച് തെരഞ്ഞെടുപ്പ് അട്ടിമറിക്കാനുള്ള സര്‍വ സന്നാഹത്തെയും നിഷ്പ്രഭമാക്കിയെന്നാണ് കോഴിക്കോട്ടെ വന്‍ പോളിങ് വ്യക്തമാക്കുന്നത്. യു.ഡി.എഫിന്റെ ആത്മവിശ്വാസം വര്‍ധിപ്പിക്കുന്ന റിപ്പോര്‍ട്ടാണ് താഴെത്തലത്തില്‍ നിന്ന് ലഭിക്കുന്നത്. കൂടെനിന്ന ജനങ്ങളോടും പ്രവര്‍ത്തകരോടും മാധ്യമങ്ങളോടും നന്ദിയുണ്ടെന്നും രാഘവന്‍ കൂട്ടിച്ചേര്‍ത്തു.