കണ്ണൂര്‍: ലയണ്‍സ് ക്ലബ് ഇന്റര്‍നാഷണലിന്റെ കണ്ണൂര്‍, കാസര്‍കോട്, വയനാട്, മാഹി ജില്ലകള്‍ ഉള്‍പ്പെടുന്ന ജില്ലാ ഭാരവാഹികളുടെ സ്ഥാനാരോഹണം 23നു വൈകുന്നേരം മൂന്നിന് കണ്ണൂര്‍ സാധു കല്യാണ മണ്ഡപത്തില്‍ നടക്കും. മുന്‍ ഇന്റര്‍നാഷണല്‍ ഡയറക്ടര്‍ എ.പി സിങ് നേതൃത്വം നല്‍കും. മള്‍പ്പിള്‍ ഡിസ്ട്രിക്ട് ചെയര്‍പേഴ്‌സന്‍ അഡ്വ. വി അമര്‍നാഥ് പങ്കെടുക്കും. ഡോ. വി.പി ഗംഗാധരനെ ലയണ്‍സ് ഹ്യൂമാനിറ്റേറിയന്‍ സര്‍വിസ് അവാര്‍ഡ് നല്‍കി ആദരിക്കും. 25 യുവതികള്‍ക്കു ഷീ ഓട്ടോ പദ്ധതിക്കും തുടക്കം കുറിക്കും. വാര്‍ത്താസമ്മേളനത്തില്‍ ഡിസ്ട്രിക് ഗവര്‍ണര്‍ കെ ശിവപ്രസാദ്, എം മോഹന്‍, പി.എസ് വരദരാജന്‍, വി.കെ കൃഷ്ണകുമാര്‍ സംബന്ധിച്ചു.