കല്യാശ്ശേരി: പ്രളയ ദുരിത ബാധിതര്‍ക്ക് 2000 ചൂലുകള്‍ കല്യാശ്ശേരി ബ്ലോക്ക് പഞ്ചായത്ത് കുടുംബ ശ്രീ യൂനിറ്റുകള്‍ ശേഖരിച്ച് നല്‍കി.
പ്ലാസ്റ്റിക് ചൂലുകള്‍ ചെളി നീക്കുന്നതിനും ശുചീകരണത്തിനും പറ്റാത്തതിനെ തുടര്‍ന്നാണ് ജൈവ സംസ്‌കൃതിയുടെ ഭാഗമായ ഈര്‍ക്കില്‍ ചൂല്‍ തന്നെ വേണമെന്ന അവസ്ഥയിലെത്തിയത്. ചൂലുകള്‍ ഇന്നലെ ഉച്ചയോടെ ആലുവയില്‍ എത്തിച്ചു.
ബ്ലോക്ക് പഞ്ചായത്ത് പ്രസിഡന്റ് വി.വി പ്രീത സന്നദ്ധ പ്രവര്‍ത്തകര്‍ക്ക് കൈമാറി.
പി. ഗോവിന്ദന്‍, ഒ.വി ഗീത, കെ.പി കമലാക്ഷി, കെ. ലക്ഷ്മണന്‍ , സി.ഡി.എസ് ചെയര്‍പേഴ്‌സന്‍, എന്‍.പി ഗീത, വി.ഇ.ഒ ടി.വി രഘുവരന്‍, എം.പി ഷുക്കൂര്‍ നേതൃത്വം നല്‍കി.