തേഞ്ഞിപ്പലം: കാര്‍ വൈദ്യുതി തൂണിലിടിച്ച് തൂണ്‍ തകര്‍ന്നു. ദേശീയപാത പാണമ്പ്രയില്‍ തിങ്കളാഴ്ച രാത്രിയാണ് അപകടം. അപകടത്തില്‍ ആര്‍ക്കും കാര്യമായ പരുക്കുകളില്ല. ചേളാരി ഭാഗത്തുനിന്ന് കോഹിനൂര്‍ ഭാഗത്തേക്ക് പോകുന്ന കാറാണ് അപകടത്തില്‍പെട്ടത്. പാണമ്പ്ര അങ്ങാടിയില്‍ സലഫി മസ്ജിദിന് തോട്ടടുത്തുള്ള റോഡരികിലെ വൈദ്യുതി തൂണിലാണ് കാര്‍ ഇടിച്ചത്. ഇടിയുടെ ആഘാതത്തില്‍ പോസ്റ്റ് തകരുകയും പ്രദേശത്ത് വൈദ്യുതി വിതരണം ഏതാണ്ട് 15 മണിക്കൂര്‍ മുടങ്ങുകയും ചെയ്തു. തകര്‍ന്ന പോസ്റ്റ് മാറ്റിയതിന് ശേഷം ഇന്നലെ വൈകിട്ട് അഞ്ചോടെയാണ് വൈദ്യുതി വിതരണം പുനസ്ഥാപിക്കാനായത്. അപകടത്തില്‍ കാറിന്റെ മുന്‍ഭാഗം ഭാഗികമായി തകര്‍ന്നു.