സിഡ്‌നി: മെല്‍ബണ്‍ ക്രിക്കറ്റ് ഗ്രൗണ്ട@ില്‍ നടക്കുന്ന ബോക്‌സിങ് ഡേ ടെസ്റ്റിന് കരുതല്‍ വേദിയായി അഡലെയ്ഡ് ഓവല്‍ പരിഗണിക്കാന്‍ സാധ്യത.
ക്രിക്കറ്റ് ആസ്‌ത്രേലിയ ഇക്കാര്യം ഗൗരവത്തില്‍ ചര്‍ച്ച ചെയ്യുന്നുണ്ടെ@ന്നാണ് വിവരം. മെല്‍ബണിലെ കൊവിഡ് കേസുകളുടെ എണ്ണം വര്‍ധിക്കുന്ന സാഹചര്യത്തിലാണ് ആവശ്യമെങ്കില്‍ അഡലെയ്ഡിലേക്ക് ബോക്‌സിങ്‌ഡേ ടെസ്റ്റ് മാറ്റാമെന്ന തീരുമാനത്തിലെത്തിയിരിക്കുന്നത്. ഇങ്ങനെ മാറ്റുകയാണെങ്കില്‍ 44 വര്‍ഷങ്ങള്‍ക്ക് ശേഷമാവും ബോക്‌സിങ് ഡേ ടെസ്റ്റ് അഡലെയ്ഡില്‍ അരങ്ങേറുക. ഇന്ത്യയും ആസ്‌ത്രേലിയയും തമ്മിലാണ് ഇത്തവണത്തെ ബോക്‌സിങ് ഡേ ടെസ്റ്റില്‍ ഏറ്റുമുട്ടുന്നത്. അവസാന നിമിഷം വരെ മെല്‍ബണില്‍ തന്നെ മത്സരം നടത്താനാണ് ഇപ്പോള്‍ ശ്രമിക്കുന്നത്. ഒരു നിലക്കും മെല്‍ബണില്‍ മത്സരം നടത്താന്‍ കഴിയില്ലെങ്കില്‍ മാത്രമേ രണ്ട@ാമതൊരു വേദിയെ കുറിച്ച് ആലോചിക്കൂ.