മാറഞ്ചേരി: ലോക്‌സഭാ തെരെഞ്ഞെടുപ്പില്‍ വോട്ട് രേഖപ്പെടുത്താനായി പ്രമുഖരെല്ലാം രാവിലെ തന്നെ പോളിങ് സ്റ്റേഷനിലെത്തി. വയനാട് ലോക്‌സഭാ മണ്ഡലം ഇടതുപക്ഷ സ്ഥാനാര്‍ഥി പി.പി സുനീര്‍ ജന്മദേശമായ മാറഞ്ചേരി പരിചകം എ.എം.എല്‍.പി സ്‌കൂളില്‍ രാവിലെ 8.30ന് വോട്ടു രേഖപ്പെടുത്തി. കുടുംബത്തോടൊപ്പം എത്തിയാണ് സുനീര്‍ വോട്ട് രേഖപ്പെടുത്തിയത്.
കേരള പി.എസ്.സി ചെയര്‍മാന്‍ അഡ്വ. എം.കെ സക്കീര്‍ രാവിലെ പെരുമ്പടപ്പ് പാറ എ.എം.എല്‍.പി സ്‌കൂളില്‍ സജ്ജമാക്കിയ 130-ാമത് ബൂത്തിലെത്തി വോട്ടു ചെയ്തു.
യു.ഡി.എഫ് മലപ്പുറം ജില്ലാ ചെയര്‍മാന്‍ പി.ടി അജയ്‌മോഹനും പിതാവ് മുന്‍ എം.എല്‍.എ പി.ടി മോഹനകൃഷ്ണനും എരമംഗലം സി.എം.എം.യു.പി സ്‌കൂളില്‍ വോട്ട് രേഖപ്പെടുത്തി.