കൊച്ചി: ലോക്‌സഭ തെരഞ്ഞെടുപ്പില്‍ വോട്ടുചെയ്യാനെത്തിയ നടന്‍ മമ്മൂട്ടി യു.ഡി.എഫ് എല്‍.ഡി.എഫ് സ്ഥാനാര്‍ഥികളെ പുകഴ്ത്തി പറഞ്ഞതിനോട് പരിഭവവുമായി എറണാകുളത്തെ എന്‍.ഡി.എ സ്ഥാനാര്‍ഥി അല്‍ഫോന്‍സ് കണ്ണന്താനം.

ഇരു സ്ഥാനാര്‍ഥികള്‍ക്കുമൊപ്പമാണ് മമ്മൂട്ടി വോട്ടുചെയ്യാനെത്തിയത്. അതുകൊണ്ടുതന്നെ അവരുടെ സാന്നിധ്യത്തില്‍ മാധ്യമപ്രവര്‍ത്തകര്‍ ചോദിച്ചപ്പോഴാണ് ഇരുസ്ഥാനാര്‍ഥികളും മികച്ചവരാണെന്ന് മമ്മൂട്ടി പ്രതികരിച്ചത്.
കൂട്ടത്തില്‍ തന്റെ പേര് പരാമര്‍ശിക്കാത്തതാണ് കണ്ണന്താനത്തെ പ്രകോപിപ്പിച്ചത്. മമ്മൂട്ടിക്ക് ഹുങ്കാണെന്നായിരുന്നു കണ്ണന്താനത്തിന്റെ പ്രതികരണം. കണ്ണന്താനം മോഹന്‍ലാലിനെ നേരില്‍കാണാന്‍ പോയിരുന്നു. എന്നാല്‍ മമ്മൂട്ടിയുടെ അരികില്‍പോയതുമില്ല. ഇതിന്റെ ഹുങ്കാണ് മമ്മൂട്ടിക്കെന്നാണ് കണ്ണന്താനം ഇപ്പോള്‍ പറയുന്നത്.