തൃശൂര്‍: സ്വര്‍ണാഭരണ നിര്‍മാതാക്കളുടെ സംഘടനയായ ജ്വല്ലറി മാനുഫാക്ചറേഴ്‌സ് അസോസിയേഷന്‍- (ജെ.എം.എ കേരള) യുടെ ആഭിമുഖ്യത്തില്‍ തൃശൂരില്‍ നിന്ന് തെരഞ്ഞെടുക്കപ്പെട്ട എം.എല്‍.എമാര്‍ക്ക് സ്വീകരണം നല്‍കുന്നു. 23ന് വൈകിട്ട് ഏഴ് മണിക്ക് ഹോട്ടല്‍ ജോയ് പാലസില്‍ നടക്കുന്ന പരിപാടി ടൂറിസം-സഹകരണ വകുപ്പ് മന്ത്രി എ സി മൊയ്തീന്‍ നിര്‍വഹിക്കും.
എസ്.എസ്.എല്‍.സി, പ്ലസ്ടു പരീക്ഷകളില്‍ മുഴുവന്‍ എപ്ലസ് നേടിയ ജെ.എം.എ മെമ്പര്‍മാരുടെ കുട്ടികള്‍ക്കുള്ള പുരസ്‌കാരം വിദ്യാഭ്യാസ മന്ത്രി പ്രൊഫ. സി രവീന്ദ്രനാഥും തൊഴിലെടുക്കാനാകാത്ത വിധം അവശതയനുഭവിക്കുന്ന ആഭരണ നിര്‍മാണ തൊഴിലാളികള്‍ക്കുള്ള ധനസഹായം കൃഷി വകുപ്പ് മന്ത്രി അഡ്വ. വി എസ് സുനില്‍ കുമാറും വിതരണം ചെയ്യും. കോര്‍പറേഷന്‍ കൗണ്‍സിലര്‍മാരും ചടങ്ങില്‍ പങ്കെടുക്കും. വാര്‍ത്താ സമ്മേളനത്തില്‍ സംസ്ഥാന പ്രസിഡന്റ് കുരിയപ്പന്‍ എരിഞ്ഞേരി, ജനറല്‍ സെക്രട്ടറി എ കെ സാബു, ട്രഷറര്‍ തോമസ് കോന്നിക്കര പങ്കെടുക്കും