കട്ടപ്പന: ഉപ്പുതറ മാട്ടുതാവളത്ത് എല്‍.ഡി.എഫ് - യു.ഡി.എഫ് പ്രവര്‍ത്തകര്‍ തമ്മിലുണ്ടായ സംഘര്‍ഷത്തില്‍ ഒരു കോണ്‍ഗ്രസ് പ്രവര്‍ത്തകന് പരുക്കേറ്റു. മത്തായിപ്പാറ, ആലപ്പാട്ടുകുന്നേല്‍ ജോസുകുട്ടി (52) ക്കാണ് പരിക്കേറ്റത്.
ഇന്നലെ രാവിലെ 9.45 ന് മില്‍ക്ക് സൊസൈറ്റി പടിയിലാണ് സംഭവം.
പ്രായമായ വോട്ടറെ 32ാം നമ്പര്‍ ബൂത്തില്‍ കയറ്റുന്നതുമായി ബന്ധപ്പെട്ട തര്‍ക്കമാണ് സംഘര്‍ഷത്തില്‍ കലാശിച്ചത്. പുറത്തു നിന്നു വന്ന സി.പി.എം പ്രവര്‍ത്തകരാണ് മര്‍ദിച്ചതെന്ന് കോണ്‍ഗ്രസ് പ്രവര്‍ത്തകര്‍ ആരോപിച്ചു. തലക്കു പരുക്കേറ്റ ജോസുകുട്ടിയെ ഉപ്പുതറ സി.എച്ച്.സി യില്‍ പ്രവേശിപ്പിച്ചു. വിവരമറിഞ്ഞയുടന്‍ സി.ഐ. ജയപ്രസാദിന്റെ നേതൃത്വത്തില്‍ പൊലിസ് സംഘം സ്ഥലത്തെത്തി സ്ഥിതി ശാന്തമാക്കി.