തൃപ്രയാര്‍: സംസ്ഥാന മാപ്പിളകല ഇന്‍സ്ട്രക്‌ടേഴ്‌സ് ജില്ലാ കമ്മിറ്റി മാപ്പിളപ്പാട്ട് ഗായകന്‍ കെ.ജി സത്താറിന്റെ അനുസ്മരണത്തിന്റെ ഭാഗമായി ഏര്‍പ്പെടുത്തിയ പുരസ്‌ക്കാരം മാപ്പിളപ്പാട്ട് ഗായകനും തൃശൂര്‍ ആകാശവാണിയിലെ കലാകാരനുമായ കൊടുങ്ങല്ലൂര്‍ അബ്ദുള്‍ റഷീദിന്.
കെ.ജി സത്താറിന്റെ ഒന്നാം അനുസ്മരണത്തിന്റെ ഭാഗമായുള്ള പുരസ്‌കാര സമര്‍പ്പണം ശനിയാഴ്ച രാവിലെ പത്തിനു തൃപ്രയാര്‍ ഫാഷന്‍ കമ്മ്യൂണിറ്റി ഹാളില്‍ നടക്കും. ഗാനരചയിതാവും സാംസ്‌കാരിക പ്രവര്‍ത്തകനുമായ ബക്കര്‍ മേത്തല അനുസ്മരണ ചടങ്ങ് ഉദ്ഘാടനം ചെയ്യും. മാപ്പിളപ്പാട്ട് ഗായകനും രചയിതാവുമായ ബാപ്പു കുട്ടില്‍ പുരസ്‌കാര സമര്‍പ്പണം നിര്‍വഹിക്കും. സി.ബി.എസ്.ഇ പരീക്ഷയില്‍ മികച്ച വിജയം നേടിയ ഗായകനായ മിഷാല്‍ ജമാലിനെ ചടങ്ങില്‍ ആദരിക്കുമെന്നും ഭാരവാഹികള്‍ അറിയിച്ചു. അസോസിയേഷന്‍ ജില്ലാ പ്രസിഡന്റ് ഉമ്മര്‍ പഴുവില്‍, സെക്രട്ടറി റാഫി മതിലകം, സബിത നൂറുദ്ദീന്‍, ഷാജി.കെ.അബ്ദു വാര്‍ത്താ സമ്മേളനത്തില്‍ പങ്കെടുത്തു.