ആനക്കര: സഹധര്‍മണിയില്ലാത്ത ആദ്യ വോട്ടുചെയ്യാന്‍ മഹാകവി അക്കിത്തമെത്തി. എല്ലാ തെരെഞ്ഞടുപ്പുകളിലും തുണയായി സഹധര്‍മണി ശ്രീദേവി അന്തര്‍ജനത്തോടൊപ്പമാണ് എത്താറുള്ളത്. എന്നാല്‍ മാര്‍ച്ച് 13ന് അവര്‍ വിടപറഞ്ഞതോടെയാണ് അക്കിത്തം തനിച്ച് വോട്ടുചെയ്യാനെത്തിയത്. ജനാധിപത്യത്തോടുളള ബഹുമാനമാണ് നടക്കാന്‍ വയ്യാതിരിന്നിട്ടും വോട്ടുചെയ്യാന്‍ എന്നെ പ്രേരിപ്പിച്ചതെന്ന് മഹാകവി അക്കിത്തം അച്ചുതന്‍ നമ്പൂതിരി പറഞ്ഞു.
പൊന്നാനി പാര്‍ലിമെന്റില്‍പ്പെട്ട കപ്പൂര്‍ പഞ്ചായത്തിലെ കുമരനല്ലൂര്‍ ഗവ. ഹയര്‍സെക്കന്‍ഡറി സ്‌കൂളിലെ 24-ാം നമ്പര്‍ ബൂത്തില്‍ വോട്ട് ചെയ്യാനെത്തിയതായിരുന്നു അക്കിത്തം. വോട്ട് ചെയ്യാ ഏര്‍പ്പെടുത്തിയ ക്ലാസ് റൂമിലേക്ക് വാക്കറിന്റെ സഹായത്തോടെയാണ് അക്കിത്തം വോട്ട് ചെയ്യാന്‍ എത്തിയത്. സ്‌കൂള്‍ മുറ്റം വരെ മകന്‍ നാരായണനോടൊപ്പം കാറിലാണെത്തിയത്.