തൃപ്പൂണിത്തുറ: വാഹന പരിശോധനക്കിടെ ഒന്നര കിലോഗ്രാം കഞ്ചാവുമായി രണ്ട് യുവാക്കളെ തൃപ്പൂണിത്തുറ ഹില്‍പ്പാലസ് എസ്.ഐ ശിവകുമാറും സംഘവും അറസ്റ്റ് ചെയ്തു.
എരൂര്‍ മാരാനമൂല ഓണിയത്ത് വീട്ടില്‍ അനുഗ്രഹ് (21), തൃപ്പൂണിത്തുറ പത്മാ ഗാര്‍ഡന്‍സ് ഫ്‌ളാറ്റ് എസ് 7ല്‍ താമസിക്കുന്ന അഖില്‍ എ.ആര്‍ (27) എന്നിവരെയാണ് ഇന്നലെ വൈകിട്ട് തൃപ്പൂണിത്തുറ സുരഭിനഗറിന് സമീപത്തു നിന്നും അറസ്റ്റ് ചെയ്തത്. ബൈക്കിലെത്തിയ യുവാക്കളുടെ കൈവശം വിലകൂടിയ ബ്രാന്‍ഡഡ് ഷൂ കവറിനുള്ളില്‍ 500 ഗ്രാം വീതമുള്ള മൂന്ന് പൊതികളിലായാണ് കഞ്ചാവ് സൂക്ഷിച്ചിരുന്നത്.
എരൂര്‍ ഭാഗത്ത് വില്‍പ്പനക്കുവേണ്ടിയാണ് കഞ്ചാവ് ഇടുക്കിയില്‍ നിന്നും കൊണ്ടുവന്നതെന്ന് പൊലിസ് പറഞ്ഞു. ഇരുവരെയും ഇന്ന് കോടതിയില്‍ ഹാജരാക്കും.