തിരുവനന്തപുരം: ലോക്‌സഭാ തെരഞ്ഞെടുപ്പില്‍ ഇത്തവണ കഴിഞ്ഞ 30 വര്‍ഷത്തിനിടയിലെ ഏറ്റവും കൂടിയ പോളിങ് രേഖപ്പെടുത്തിയപ്പോള്‍ നിര്‍ണായകമാകാന്‍ പോകുന്നത് 23,62,196 പുതിയ വോട്ടുകള്‍.മലപ്പുറം മണ്ഡലത്തിലാണ് ഏറ്റവും കൂടുതല്‍ പുതിയ വോട്ടുകള്‍ പോള്‍ ചെയ്യപ്പെട്ടത് (1,80,366 വോട്ട് ).

രണ്ടാം സ്ഥാനത്ത് രാഹുല്‍ ഗാന്ധി മത്സരിക്കുന്ന വയനാട് മണ്ഡലമാണ്. ഇവിടെ കൂടിയത് 1,76,177 വോട്ടാണ്.
ശബരിമല വിഷയം ഏറെ ചര്‍ച്ച ചെയ്യപ്പെട്ട മണ്ഡലമായ പത്തനംതിട്ടയില്‍ 1,52,777 വോട്ടുകള്‍ പുതിയതായി പോള്‍ ചെയ്യപ്പെട്ടു. പത്തനംതിട്ട ഉള്‍പ്പെടെയുള്ള മണ്ഡലങ്ങളില്‍ കൂടുതലായി പോള്‍ ചെയ്യപ്പെട്ട ഒന്നര ലക്ഷത്തിലധികം വോട്ടുകള്‍ ആര്‍ക്കൊപ്പം നില്‍ക്കുമെന്നത് ഈ തെരഞ്ഞെടുപ്പില്‍ നിര്‍ണായകമാകും. മണ്ഡലവും പുതുതായി പോള്‍ ചെയ്യപ്പെട്ട വോട്ടും: കാസര്‍കോട് 1,22,857, കണ്ണൂര്‍ 1,02,287, വടകര 1,03,141, കോഴിക്കോട് 1,31,245, പൊന്നാനി 1,45,496, പാലക്കാട് 1,16,409, തൃശൂര്‍ 1,21,022, ചാലക്കുടി 1,04,932, എറണാകുളം 1,15,700, ആറ്റിങ്ങല്‍ 1,43,047, തിരുവനന്തപുരം 1,33,782 ആലത്തൂര്‍ 88,386, ഇടുക്കി 98,581, കോട്ടയം 76,602, ആലപ്പുഴ 87,295, മാവേലിക്കര 76,804, കൊല്ലം 85,290.