കെയ്‌റോ: ഈജിപ്തിലെ വടക്കന്‍ സീനായില്‍ നടന്ന സൈനിക നടപടിയില്‍ നാലു ഭീകരരെ വധിച്ചു. സീനായിലെ അരീഷ് നഗരത്തില്‍ നടന്ന ഏറ്റുമുട്ടലിലാണു ഭീകരരെ ഈജിപ്ഷ്യന്‍ പൊലിസ് വകവരുത്തിയത്. സംഭവത്തില്‍ നാല് പൊലിസുകാരും കൊല്ലപ്പെട്ടിട്ടുണ്ട്. നിരവധി പേര്‍ക്കു പരുക്കേല്‍ക്കുകയും ചെയ്തു.
ആയുധധാരികളായ ഭീകരര്‍ പൊലിസ് സംഘത്തെ ആക്രമിക്കുകയായിരുന്നു. ഉടന്‍ പൊലിസ് നടത്തിയ തിരിച്ചടിയിലാണു ഭീകരരെ കൊലപ്പെടുത്തിയത്. സംഘത്തില്‍ ബാക്കിയുണ്ടായിരുന്നവര്‍ രക്ഷപ്പെട്ടു. പൊലിസിനെതിരായ ആക്രമണത്തിന്റെ ഉത്തരവാദിത്തം ഐ.എസ് ഏറ്റെടുത്തു. സീനാ പ്രവിശ്യയില്‍ ഈ മാസം ആദ്യത്തില്‍ നടന്ന പൊലിസ് നടപടിയില്‍ 52 ഭീകരരെ വധിച്ചിരുന്നു.