ദമസ്‌കസ്: സിറിയയുടെ വിമത നിയന്ത്രണത്തിലുള്ള വടക്കുപടിഞ്ഞാറന്‍ പ്രദേശമായ ജിസ്ര്‍ പ്രവിശ്യയില്‍ നടന്ന സ്‌ഫോടനത്തില്‍ കുറഞ്ഞത് 15 പേര്‍ കൊല്ലപ്പെട്ടു. നാലു നിലകളുള്ള കെട്ടിടത്തിലാണ് സ്‌ഫോടനം നടന്നത്. സംഭവത്തെ തുടര്‍ന്നു കെട്ടിടം പൂര്‍ണമായും തകര്‍ന്നു.
കൊല്ലപ്പെട്ടവരില്‍ 13 പേര്‍ സാധാരണക്കാരും മറ്റുള്ളവര്‍ സുരക്ഷാ ഉദ്യോഗസ്ഥരുമാണെന്നാണ് വിവരം. എന്നാല്‍, ഇക്കാര്യം സ്ഥിരീകരിച്ചിട്ടില്ല. സ്‌ഫോടകവസ്തുക്കള്‍ നിറച്ച വാഹനം കെട്ടിടത്തിലേക്ക് ഓടിച്ചുകയറ്റുകയായിരുന്നെന്നാണ് റിപ്പോര്‍ട്ട്.