ഓസ്‌ലോ: ഉത്തര യൂറോപ്പിലെ രാജ്യമായ നോര്‍വേയില്‍ കാട്ടുതീ പടരുന്നു.
ദക്ഷിണ നോര്‍വേയിലെ സോകന്‍ഡല്‍ ടൗണിലടക്കമുണ്ടായ തീപിടിത്തത്തില്‍ നൂറുകണക്കിനു പേര്‍ക്കു വീടുവിടേണ്ടിവന്നിട്ടുണ്ട്. കാട്ടുതീ ഇപ്പോഴും നിയന്ത്രണവിധേയമായിട്ടില്ലെന്നാണ് നോര്‍വേ പൊലിസ് അറിയിക്കുന്നത്.
കാട്ടുതീയോടൊപ്പം കനത്ത കാറ്റുമുള്ളതു കാരണം തീ പടര്‍ന്നുപിടിക്കുകയാണ്. തീപിടിത്തത്തില്‍ ഇരുനൂറോളം വീടുകളും കെട്ടിടങ്ങളും അഗ്നിക്കിരയായിട്ടുണ്ട്.

സെക്കന്‍ഡില്‍ ഒന്‍പതു മുതല്‍ 11 മീറ്റര്‍ വരെ വേഗതയിലാണ് കാറ്റുവീശുന്നത്. എന്നാല്‍, അപകടത്തില്‍ ആര്‍ക്കും പരുക്കേറ്റതായും ജീവന്‍ നഷ്ടപ്പെട്ടതായും ഇതുവരെ സ്ഥിരീകരിച്ചിട്ടില്ല.