തൊടുപുഴ: ഇടുക്കി അണക്കെട്ടിലെ ജലനിരപ്പ് 2398.7 അടിയായി കുറഞ്ഞു.
200 ക്യുമെക്‌സ് (സെക്കന്റില്‍ 20,000 ലിറ്റര്‍) വെള്ളമാണ് ഇപ്പോള്‍ പുറത്തേക്ക് ഒഴുക്കുന്നത്. 115 ക്യുമെക്‌സ് മൂലമറ്റം പവര്‍ഹൗസില്‍ വൈദ്യുതോല്‍പ്പാദനത്തിനായി എടുക്കുന്നുണ്ട്.
മണിക്കൂറില്‍ 223 ക്യുമെക്‌സ് ആണ് ഇടുക്കി അണക്കെട്ടിലേക്ക് ഒഴുകിയെത്തുന്നത്. ചെറുതോണി അണക്കെട്ടിന്റെ 2, 3, 4 ഷട്ടറുകള്‍ 60 സെന്റിമീറ്റര്‍ ഉയര്‍ത്തിയിട്ടുണ്ട്. മുല്ലപ്പെരിയാര്‍ അണക്കെട്ടിലെ ജലനിരപ്പ് ഇന്നലെ വൈകിട്ട് ഏഴിന് 139.26 അടിയാണ്. 1506 ക്യുമെക്‌സ് ആണ് അണക്കെട്ടിലേക്ക് ഒഴുകിയെത്തുന്നത്. 2206 ക്യുമെക്‌സ് തമിഴ്‌നാട് കൊണ്ടുപോവുന്നുണ്ട്.