തുറവൂര്‍: ദുരിതബാധിതരെ സഹായിക്കുന്നതിനായി പട്ടണക്കാട് ബ്ലോക്ക് പഞ്ചായത്തിന്റെ കീഴിലുള്ള എട്ട് ഗ്രാമപഞ്ചായത്തുകള്‍ അരക്കോടി രൂപയുടെ ഭക്ഷ്യ സാധനങ്ങളും വസ്ത്രങ്ങളും നല്‍കി. വയലാര്‍, കടക്കരപ്പള്ളി, പട്ടണക്കാട്, തുറവൂര്‍, കുത്തിയതോട്, കോടംതുരുത്ത്, എഴുപുന്ന, അരൂര്‍ എന്നീ പഞ്ചായത്തുകളിലെ ജനപ്രതിനിധികള്‍, വ്യക്തികള്‍, സ്ഥാപനങ്ങള്‍, വ്യവസായികള്‍ എന്നിവരില്‍ നിന്നാണ് ഇവ സ്വരൂപിച്ചത്. കലക്ടറുടെ നിര്‍ദേശ പ്രകാരം ഇവയെല്ലാം ആലപ്പുഴ എസ്.ഡി കോളജില്‍ എത്തിക്കുകയായിരുന്നു. എ.എം ആരീഫ് എം.എല്‍.എ ഫ്‌ളാഗ് ഓഫ് ചെയ്തു. പട്ടണക്കാട് ബ്ലോക്ക് പഞ്ചായത്ത് പ്രസിഡന്റ് മണി പ്രഭാകരന്‍, വൈസ് പ്രസിഡന്റ് സി.ടി വിനോദ് ,പഞ്ചായത്ത് പ്രസിഡന്റുമാരായ എസ്.റ്റി.ശ്യാമളകുമാരി, ബി.രത്‌നമ്മ, സൂസണ്‍ സെബാസ്റ്റ്യന്‍, പ്രേമരാജപ്പന്‍, അനിതസോമന്‍, ടി.എം ഷെറിഫ്, എസ്.വി ബാബു ,പത്മിനിപങ്കജാക്ഷന്‍ എന്നിവരുടെ നേതൃത്വത്തിലാണ് ഭക്ഷ്യ സാധനങ്ങളും വസ്ത്രങ്ങളും സംഘടിപ്പിച്ചത്.