ഈരാറ്റുപേട്ട: പ്രളയബാധിത പ്രദേശങ്ങളില്‍ ദുരിതത്തില്‍ കഴിയുന്നവര്‍ക്ക് ഈരാററുപേട്ടയില്‍ നിന്ന് ദുരിത പ്രദേശങ്ങിളിലേക്ക് കാരണ്യ പ്രവാഹം.
മഴക്കെടുതി ഈരാറ്റുപേട്ടയെ ഏറെ ബാധിച്ചില്ലങ്കിലും സമീപ പ്രദേശങ്ങളിലെ സാഹചര്യം മനസിലാക്കി കോട്ടയം ജില്ലയിലെ വിവിധ ദുരിതാശ്വാസ ക്യാമ്പുകള്‍ക്ക് പുറമെ പത്തനംത്തിട്ട, ചെങ്ങന്നൂര്‍, ഇടുക്കി, പാനായിക്കുളം, പറവൂര്‍, ആലുവ, ചാലക്കുടി എന്നീ പ്രദേശങ്ങളിലെ മുഴുവന്‍ ക്യാമ്പുകളിലും ഭക്ഷണം, തുണിത്തരങ്ങള്‍, കുടിവെള്ളം മരുന്നുകള്‍, ബേബിഫുഡുകള്‍എന്നിവ ആവശ്യനുസരണം എത്തിച്ച് മാതൃകയായി.കോടിക്കണക്കി ന് രൂപയുടെ സാധനങ്ങളാണ് ഈരാററുപേട്ടയില്‍ നിന്ന്്ദുരിതബാധിത മേഖലകളില്‍എത്തിച്ചത്. ദുരിതബാധിത പ്രദേശളില്‍ഒറ്റകെട്ടായി കൈകോര്‍ത്ത് രാപകലില്ലാതെ സ്വന്തം ജീവന്‍ പണയം വെച്ചും രക്ഷാപ്രവര്‍ത്തനങ്ങള്‍ക്ക് നേതൃതം നല്‍കിയ ഈരാററുപേട്ടയിലെയുവാക്കള്‍ നാടിന് അഭിമാനമായി.
പ്രളയം മൂലം വിടുകളില്‍ കുടുങ്ങി കിടന്ന ആയിരങ്ങളെയാണ് രക്ഷപെടുത്തി ക്യാമ്പുകളില്‍ എത്തിച്ചത്. ഈരാററുപേട്ട നഗരസഭ, മുസ് ലിം ലീഗ് , എസ്.ഡി.പി. ഐ ഡി വൈ.എഫ്.ഐ, കരുണ പാലിയേറ്റീവ് കെയര്‍ സൊസൈറ്റിപുറമെ സന്നദ്ധ സംഘടനകള്‍, വ്യാപാരി വ്യവസായഏകോപന സമിതി എന്നിസംഘടനകള്‍, മഹല്ലുകള്‍, അരുവിത്തുറ പള്ളി ,വിവിധ ക്ലബ്ബുകള്‍, നവ സാമൂഹികൂട്ടായ്മകള്‍, റസിഡന്‍സ് അസോസിയേഷനുകള്‍ തുടങ്ങി ഒട്ടേറെ പേര്‍ ദുരിതാശ്വാസ പ്രവര്‍ത്തനത്തില്‍ സജീവമായി രംഗത്തുണ്ടായിരുന്നത്.
17 -ാംതിയതി ഈരാററുപേട്ട ടൗണില്‍ തുടങ്ങിയ കരുണയുടെ ദുരന്ത നിവാരണ ദുരിതാശ്വാസ കളക്ഷ ന്‍ സെന്ററിന്റെ ആഭിമുഖ്യത്തില്‍ ഇന്ന് വൈകുന്നേരം പുനരധിവാസ വിഭവ സമാഹരണ യജ്ഞവും കളക്ഷന്‍ സംഗമവും നടക്കും. കരുണ വളണ്ടിയര്‍മാരുടെ ആഭിമുഖ്യത്തില്‍ വൈകിട്ട് മൂന്ന് മണിക്ക് ആരംഭിച്ച് 7 മണിക്ക് കളക്ഷന്‍ അവസാനിക്കും. തുടര്‍ന്ന് വടക്കേക്കരയില്‍ പൊതുസമ്മേളനവും നടക്കും.
പത്തനം തിട്ട എം.പി ആന്റോ ആന്റണി, പി.സി ജോര്‍ജ് എംഎല്‍എ, ഈരാറ്റുപേട്ട മുനിസിപ്പല്‍ ചെയര്‍മാന്‍ വി.കെ കബീര്‍ വലിയവീട്ടില്‍, ഇല്‍യാസ് മൗലവി, യൂസുഫ് ഉമരി, എ.എം.എ സമദ്, കരുണ ചെയര്‍മാന്‍ എന്‍.എ.എം ഹാറൂന്‍, അജ്മല്‍ പാറനാനി, സക്കീര്‍ കറുകാഞ്ചേരി, സമീര്‍ കെ.എ തുടങ്ങിയവര്‍ പങ്കെടുക്കും.