വണ്ടിപ്പെരിയാര്‍: തിരുവോണദിനത്തില്‍ മദ്യ വില്‍പ്പന നടത്തിയയാള്‍ പിടിയില്‍. 56ാം മൈല്‍ ചിത്രാഞ്ജലി വീട്ടില്‍ സന്തോഷ്(46) ആണ് വണ്ടിപ്പെരിയാര്‍ എക്‌സൈസിന്റെ പിടിയിലായത്.
രണ്ടര ലിറ്റര്‍ മദ്യം കണ്ടെടുത്തു. ഇയാളുടെ പേരില്‍ നിരവധി അബ്കാരി കേസുകളുണ്ട്. ഇടുക്കി ഡെപ്യൂട്ടി എക്‌സൈസ് കമ്മീഷണര്‍ എം.ജെ. ജോസഫിന്റെ നിര്‍ദ്ദേശത്തെ തുടര്‍ന്ന് നടത്തിയ പരിശോധനയിലാണ് പ്രതി പിടിയിലായത്. വണ്ടിപ്പെരിയാര്‍ എക്‌സൈസ് ഇന്‍സ്‌പെക്ടര്‍ പി.കെ. രഘു, ഉദ്യോഗസ്ഥരായ ഷാഫി, അരവിന്ദാക്ഷന്‍, രാജ്കുമാര്‍, അനീഷ്, ഷൈന്‍, രാജീവ് എന്നിവര്‍ ചേര്‍ന്നാണ് കേസ് പിടികൂടിയത്. പ്രതിയെ ഇന്ന് കോടതിയില്‍ ഹാജരാക്കും.