എടക്കര: വേനല്‍ മഴയും കാറ്റും തകര്‍ത്തെറിഞ്ഞത് പെരിച്ചാത്ര ബാലനെന്ന കര്‍ഷകന്റെ സ്വപ്‌നങ്ങള്‍. ചൊവ്വാഴ്ചയുണ്ടായ കാറ്റില്‍ നശിച്ചത് ബാലന്റെ ആയിരത്തി ഇരുനൂറിലേറെ കുലച്ച വാഴകളാണ്.
ഉദിരംകുളം സ്വദേശിയായ ബാലന്‍ എടക്കര ദുര്‍ഗാ ക്ഷേത്രത്തി നു സമീപം മേനോന്‍പൊട്ടിയില്‍ പാട്ടകൃഷി ചെയ്തിരുന്ന വാഴത്തോട്ടമാണ് കാറ്റില്‍ തകര്‍ന്നടിഞ്ഞത്. മനോമി ബാലകൃഷ്ണന്‍ നായര്‍, ലീലാവതി സുരേഷ്, സജു ഗോപിനാഥ് തുടങ്ങി എട്ടോളം പേരുടെ നാലേക്കര്‍ വരുന്ന ഭൂമിയിലാണ് ബാലന്‍ വാഴകൃഷി നടത്തിയിരുന്നത്. ആകെ നാലായിരം വാഴകളാണുണ്ടായിരുത്.
ഓണത്തിനു മുന്‍പായി കുലകള്‍ വെട്ടാവുന്ന രിതിയിലാണ് കൃഷി ആരംഭിച്ചത്. വാഴകള്‍ കുലച്ച് ഒന്നര മാസം കഴിഞ്ഞ സമയത്താണ് വേനല്‍ മഴയും കാറ്റുമുണ്ടായത്. വാഴക്കൃഷിക്ക് അഞ്ച് ലക്ഷം രൂപയിലേറെ ചിലവ് വന്നിട്ടുണ്ടെന്ന് ബാലന്‍ പറയുന്നു. വിവിധ ധനകാര്യ സ്ഥാപനങ്ങളില്‍നിന്നു വായ്പയെടുത്താണ് ബാലന്‍ കൃഷിയിറക്കിയിരുന്നത്.
വാഴകളുടെ ഇടയില്‍ വിവിധയിനം പച്ചക്കറികളും നട്ടിരുന്നു. രണ്ടായിരത്തോളം മുരട് പയര്‍ പൂവിട്ട് കായ്ക്കാന്‍ തുടങ്ങിയിരുന്നു. ഇവയെല്ലാം കാറ്റില്‍ നശിച്ചു.
രണ്ട് ഏക്കറിലധികം പച്ചക്കറി കൃഷിയാണ് കാറ്റില്‍ നശിച്ചത്. വാഴകള്‍ ഇന്‍ഷുര്‍ ചെയ്തിട്ടുണ്ടെ ആശ്വാസം മാത്രമാണ് ബാലനുള്ളത്. മൂന്നു ലക്ഷം രൂപയോളം ലാഭം പ്രതീക്ഷിച്ചിരുന്ന ബാലന് മുടക്കു മുതല്‍ പോലും ഇത്തവണ ലഭിക്കില്ല.