തിരുവനന്തപുരം: ഓണത്തിനുണ്ടാകുന്ന തിരക്ക് കണക്കിലെടുത്ത് സംസ്ഥാനത്തെ മദ്യശാലകളുടെ പ്രവര്‍ത്തനസമയം ദീര്‍ഘിപ്പിക്കാന്‍ തീരുമാനമായി. രാവിലെ ഒന്‍പത് മണിമുതല്‍ രാത്രി ഏഴുവരെ മദ്യശാലകള്‍ തുറന്നുപ്രവര്‍ത്തിപ്പിക്കാനാണ് സര്‍ക്കാര്‍ തീരുമാനം.

ദിവസേന 600 ടോക്കണുകള്‍ വരെ അനുവദിക്കും. ടോക്കണ്‍ എടുക്കുന്നവര്‍ക്ക് മൂന്ന് ദിവസത്തെ ഇടവേള എന്ന വ്യനസ്ഥയും നീക്കി. അതേ സമയം ബാറുകളുടെ പ്രവര്‍ത്തന സമയം നീട്ടിയിട്ടില്ല. മാറ്റം നാളെ മുതല്‍ പ്രാബല്യത്തില്‍ വരും.