തിരുവനന്തപുരം: ബെവ് ക്യൂ ആപ് വഴിയുള്ള മദ്യവില്‍പ്പനയ്ക്ക് ഇളവുകള്‍ അനുവദിച്ച് സംസ്ഥാന സര്‍ക്കാര്‍. ആപ് വഴി മദ്യം ബുക്ക് ചെയ്യാനുള്ള സമയപരിധി ഒഴിവാക്കി. ഇനി ബുക്ക് ചെയ്താല്‍ അപ്പോള്‍ തന്നെ മദ്യം വാങ്ങാം. മൂന്നു ദിവസമായിരുന്നു ഇതുവരെ പരിധി.

മദ്യവില്‍പനയുടെ സമയവും ദീര്‍ഘിപ്പിച്ചിട്ടുണ്ട്. ഒമ്പത് മണി മുതല്‍ ഏഴ് മണിവരെയാണ് സമയമാറ്റം, എന്നാല്‍, ബാറുകളില്‍ നേരത്തെയുള്ള രീതി തുടരും.

ബെവ്‌കോയുടെയും കണ്‍സ്യൂമര്‍ഫെഡിന്റെയും പ്രതിദിന ടോക്കണുകള്‍ 400ല്‍ നിന്ന് 600 ആയി ഉയര്‍ത്താനും തീരുമാനമായി. വെള്ളിയാഴ്ച്ച മുതല്‍ പുതിയ ക്രമീകരണങ്ങള്‍ പ്രാബല്യത്തില്‍ വരും.