മാന്നാര്‍:  14-മത് ചെന്നിത്തല മദര്‍തെരേസ ട്രോഫി ജലോത്സവത്തിന്റെ ലോഗോ പ്രകാശനം ഉദ്ഘാടനം മാവേലിക്കര എം.എല്‍.എ. ആര്‍.രാജേഷ് നിര്‍വ്വഹിച്ചു. ഇതോടെ മദര്‍തെരേസ ജലോത്സവം ഓണാട്ട് കരയുടെ ഭാഗമായി തീരുകയാണെന്ന് എം.എല്‍.എ അറിയിച്ചു.
പ്രശസ്ത ഗാന്ധി ശില്‍പി ബിജു ജോസഫിന്റെ 7 ദിവസത്തെ പ്രയത്‌നത്തിലാണ് ലോഗോ നിര്‍മ്മിച്ചത്. യോഗത്തില്‍ ജനറല്‍ കണ്‍വീനര്‍ ബിജു ടി. ചെറുകോല്‍ അദ്ധ്യക്ഷത വഹിച്ചു.
ബ്ലോക്ക് പഞ്ചായത്ത് പ്രസിഡന്റ് കെ.രഘുപ്രസാദ്, പഞ്ചായത്ത് പ്രസിഡന്റ് ഇ.എന്‍.നാരായണന്‍, കെ.ആര്‍.മുരളീധരന്‍ നായര്‍, ചുണ്ടന്‍ വള്ള അസോസിയേഷന്‍ പ്രസിഡന്റ് ആര്‍.കെ.കുറുപ്പ്, പി.ബി.സൂരജ്, ജിനുജോര്‍ജ്, ജോസഫ്കുട്ടി കടവില്‍, തോമസ് കെ.ശാമുവേല്‍ എന്നിവര്‍ പ്രസംഗിച്ചു.