തൃശൂര്‍: തൃശൂര്‍ ലോക്‌സഭാ മണ്ഡലത്തിലെ വോട്ടുകള്‍ രേഖപ്പെടുത്തിയ വോട്ടിങ് മെഷിനുകള്‍ക്ക് തൃശൂര്‍ ഗവ. എന്‍ജിനീയറിങ് കോളജില്‍ അധിക സുരക്ഷ ഏര്‍പ്പെടുത്തി. എന്‍ജിനീയറിങ് കോളജിലെ മൂന്ന് കെട്ടിടങ്ങളിലാണ് വോട്ടിങ് മെഷിനുകള്‍ സൂക്ഷിച്ചിരിക്കുന്നത്.
കേന്ദ്ര,സംസ്ഥാന പൊലിസ് സേനയുടെ കര്‍ശന സുരക്ഷയാണ് ഇവിടെ ഏര്‍പ്പെടുത്തിയിരിക്കുന്നത്.
തൃശൂര്‍ ലോക്‌സഭാ മണ്ഡലത്തില്‍പെട്ട ഗുരുവായൂര്‍, തൃശൂര്‍, നാട്ടിക, ഇരിങ്ങാലക്കുട, പുതുക്കാട്, ഒല്ലൂര്‍, മണലൂര്‍ എന്നി നിയമസഭാ മണ്ഡലങ്ങളിലെ വോട്ടിങ് മെഷിനുകളും മറ്റു രേഖകളുമാണ് ഇവിടെ സൂക്ഷിച്ചിരിക്കുന്നത്. 23 വരെ സുരക്ഷാക്രമീകരണങ്ങള്‍ തുടരും.
23ന് തൃശൂര്‍ ലോക്‌സഭാ മണ്ഡലത്തിലെ വോട്ടെണ്ണല്‍ കേന്ദ്രം കൂടിയാണ് ഗവണ്‍മെന്റ് എന്‍ജിനീയറിങ് കോളജ്.