പാനൂര്‍: പൊയിലൂര്‍ മഹാന്‍മാരുടെ പാത പിന്തുടരുകയാണ് മോക്ഷത്തിന്റെ മാര്‍ഗമെന്നും ആ പാതയിലൂടെ മുന്നോട്ട് പോകണമെന്നും സമസ്ത കേന്ദ്ര മുശാവറ അംഗം മാണിയൂര്‍ അഹ്മദ് മുസ്‌ലിയാര്‍. ശംസുല്‍ ഉലമാ ഇസ്‌ലാമിക് സെന്റര്‍ നടത്തിയ മജ്‌ലിസുന്നൂര്‍ വേദിയില്‍ സംസാരിക്കുകയായിരുന്നു അദ്ദേഹം.
മത്തത്ത് അമ്മദ് ഹാജി, മത്തത്ത് അബ്ബാസ് ഹാജി, പി.പി യഅ്ഖൂബ് ഹാജി, വടക്കയില്‍ അബ്ദുല്ല ഹാജി, കൊയില്യത്ത് അമ്മദ് ഹാജി, മത്തത്ത് സുബൈര്‍, വടക്കയില്‍ അഷ്‌റഫ് തുടങ്ങിയവര്‍ തങ്ങളുടെ കെട്ടിടവും സ്ഥലവും കോളജ് കമ്മറ്റിക്ക് സംഭാവന ചെയ്ത് മാണിയൂര്‍ അഹ്മദ് മുസ്‌ലിയാരിന് രേഖകള്‍ കൈമാറി.
പൊയിലൂര്‍ ശാഖാ എസ്.വൈ.എസ്, എസ്.കെ.എസ്.എസ്.എഫ് കമ്മറ്റികള്‍ പൊയിലൂര്‍ മുസ്‌ലിം ജമാഅത്ത് സെക്രട്ടറി പള്ളിക്കണ്ടി മൂസ ഹാജിയെയും, പൊയിലൂര്‍ പ്രദേശത്തെ പ്രഥമ വനിതാ ഡോക്ടര്‍ മത്തത്ത് ആയിഷയയും ആദരിച്ചു. ഷരീഫ് റഹ്മാനി മമ്പാട് ഉദ്ഘാടനം ചെയ്തു. മത്തത്ത് അബ്ബാസ് ഹാജി അധ്യക്ഷനായി. അഷ്‌റഫ് റഹ്മാനി ചൗകി മുഖ്യപ്രഭാഷണം നടത്തി. വടക്കയില്‍ ഹസന്‍ ഹാജി, എം.എസ്.എ മൗലവി, കെ. അബൂബക്കര്‍, അഫ്‌സല്‍ മത്തത്ത് സംസാരിച്ചു.