നരിക്കുനി: പ്രളയക്കെടുതിക്കിടയിലെ തിരക്കിനിടയിലും കെ.എസ്.ഇ.ബി നരിക്കുനി ഓഫിസിലെ ജീവനക്കാര്‍ പാവപ്പെട്ട കുടുംബത്തിന് ഓണസമ്മാനമായി വൈദ്യുതി കണക്ഷന്‍ നല്‍കി.
വട്ടപ്പാറപ്പൊയില്‍ നെല്ലിക്കോട്ട് കണ്ടണ്ടിയില്‍ രാഘവന്റെ കുടുംബത്തിനാണ് കെ.എസ്.ഇ.ബി നരിക്കുനി സെക്ഷന്‍ സ്റ്റാഫ് കമ്മിറ്റിയുടെ നേതൃത്വത്തില്‍ സൗജന്യമായി വൈദ്യുതി കണക്ഷന്‍ നല്‍കിയത്.
അസിസ്റ്റന്റ് എന്‍ജിനീയര്‍ ഇന്‍ ചാര്‍ജ് കെ. മുഹമ്മദ് ബഷീര്‍ സ്വിച്ച് ഓണ്‍ കര്‍മം നിര്‍വഹിച്ചു. സ്റ്റാഫ് സെക്രട്ടറി പി.എം ഷംസുദ്ദീന്‍ അധ്യക്ഷനായി.
സബ് എന്‍ജിനീയര്‍ ഷാനവാസ് ഷാന്‍, ഓവര്‍സിയര്‍ പി. രാമചന്ദ്രന്‍, ബി. ജിജു, പി. മുഹമ്മദ് റഫീഖ്, ഷൈജു സംസാരിച്ചു.