ചേളാരി: മുഹര്‍റം ഒന്‍പത്, 10 പ്രമാണിച്ച് ഇന്നും നാളെയും സമസ്ത ഓണ്‍ലൈന്‍ മദ്‌റസ ചാനല്‍ വഴി പ്രത്യേക പരിപാടികള്‍ സംപ്രേഷണം ചെയ്യും. ഇന്ന് രാവിലെ 'മുഹര്‍റം ചരിത്രവും പഠനവും' എന്ന വിഷയത്തില്‍ ഓണമ്പിള്ളി മുഹമ്മദ് ഫൈസിയുടെ പ്രഭാഷണവും നാളെ മുഹര്‍റം പത്തിന് രാവിലെ ഒന്‍പതിന് സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങളുടെ 'താസൂആഅ്, ആശൂറാഅ് ' ദിനസന്ദേശവും പ്രാര്‍ഥനയും നടക്കും.

സമസ്ത ഓണ്‍ലൈന്‍ ചാനല്‍ വഴി യൂട്യൂബ്, മൊബൈല്‍ ആപ്, ഫെയ്‌സ് ബുക്ക്, ദര്‍ശന ടി.വി എന്നിവയില്‍ പരിപാടി ലഭ്യമാവും. പാദവാര്‍ഷിക പരീക്ഷയ്ക്കും മുഹറം ഒന്‍പത്, പത്ത് പ്രമാണിച്ചും നിര്‍ത്തിവച്ചിരുന്ന ഓണ്‍ലൈന്‍ മദ്‌റസ പഠനക്ലാസുകള്‍ ഓഗസ്റ്റ് 31 മുതല്‍ പുനരാരംഭിക്കും. രാവിലെ 7.30 മുതല്‍ യൂട്യൂബിലും ആപിലും, ഫേസ്ബുക്കിലും ഏഴ് മുതല്‍ ദര്‍ശന ടി.വിയിലും ക്ലാസുകള്‍ സംപ്രേഷണം ചെയ്യും.