കൊല്‍ക്കത്ത: അവസാന സീസണില്‍ ഹൈദരാബാദ് എഫ്.സി താരമായിരുന്ന ഗനി നിഗം അഹമ്മദ് മുഹമ്മദന്‍സിന് വേണ്ടി കളിക്കും. ഐ ലീഗ് സെക്കന്‍ഡ് ഡിവിഷന് വേണ്ടി ഒരുങ്ങുന്ന മുഹമ്മദന്‍സ് മികച്ച ടീമിനേയാണ് ഒരുക്കുന്നത്.

ഏറെ കാലത്തിന് ശേഷം ഫുട്‌ബോളിലേക്ക് മടങ്ങി വരുന്ന മുഹമ്മദന്‍സ് മികച്ച ടീമുമായിട്ടാണ് സെക്കന്‍ഡ് ഡിവിഷനിലെത്തുന്നത്. അവസാന സീസണില്‍ ഹൈദരാബാദ് എഫ്.സിക്ക് ഒപ്പം ഐ.എസ്.എല്ലില്‍ ഗനി ഉണ്ടായിരുന്നു. പൂനെ സിറ്റി ഹൈദരബാദ് എഫ്.സി ആയതോടെ പൂനെയുടെ താരമായിരുന്നു ഗനി ഹൈദരബാദിന്റെ താരമായി മാറുകയായിരുന്നു. നേരത്തെ ഗോകുലം കേരള എഫ്.സിക്കായി ലോണ്‍ അടിസ്ഥാനത്തില്‍ ഐ ലീഗില്‍ ഗനി കളിച്ചിരുന്നു.
2016 മുതല്‍ പൂനെ എഫ്.സിയുടെ ജൂനിയര്‍ ടീമിന്റെ ഭാഗമായിരുന്നു നാദാപുരം സ്വദേശിയയ ഗനി.