ന്യൂയോര്‍ക്ക്: അമേരിക്കന്‍ ടെന്നീസ് താരങ്ങളായ ബ്രയാന്‍ സഹോദരങ്ങള്‍ എന്ന് വിളിപ്പേരുള്ള മൈക്ക് ബ്രയാനും ബോബ് ബ്രയാനും ടെന്നീസില്‍ നിന്ന് വിരമിച്ചു. ലോകം കണ്ടണ്ട ഏറ്റവും മികച്ച ഡബിള്‍സ് ജോഡികളായിട്ടാണ് ഇരുവരും അറിയപ്പെടുന്നത്.

കഴിഞ്ഞ ദിവസമാണ് ഇരുവരും ഒരുമിച്ച് വിരമിക്കല്‍ പ്രഖ്യാപിച്ചത്. 16 ഗ്രാന്‍ഡ് സ്ലാം കിരീടങ്ങള്‍ നേടിയിട്ടുള്ള ഇവര്‍ ഒളിംപിക്‌സ് സ്വര്‍ണവും ഒരു വെങ്കലും നേടിയിട്ടുണ്ട്. 439 ആഴ്ച ലോക ഒന്നാം നമ്പര്‍ താരങ്ങളായി ഇരുവരും നിലകൊണ്ടണ്ടിട്ടുണ്ട്. ഈ കൂട്ടുകെട്ട് 1108 മത്സരങ്ങളാണ് ഒപ്പം വിജയിച്ചിട്ടുള്ളത്.
119 കിരീടങ്ങള്‍ നേടിയ ഇവര്‍ക്ക് 39 എ.ടി.പി മാസ്റ്റേഴ്‌സ് കിരീടവും നേടാനായിട്ടുണ്ട്.