മാഡ്രിഡ്: സ്‌പെയിനില്‍ നടക്കുന്ന വനിതാ ചാംപ്യന്‍സ് ലീഗ് ചാംപ്യന്‍ഷിപ്പിന്റെ ഫൈനലിലേക്ക് ലിയോണും വോള്‍സ്ബര്‍ഗും യോഗ്യത നേടി. ആദ്യ സെമി ഫൈനിലില്‍ എതിരില്ലാത്ത ഒരു ഗോളിന് ബാഴ്‌സലോണയെ തകര്‍ത്താണ് ജര്‍മന്‍ ക്ലബായ വോള്‍സ്ബര്‍ഗ് ഫൈനലിലേക്ക് യോഗ്യത നേടിയത്. കഴിഞ്ഞ ദിവസം നടന്ന രണ്ടാം സെമി ഫൈനലില്‍ എതിരില്ലാത്ത ഒരു ഗോളിന് പി.എസ്.ജിയെ തകര്‍ത്താണ് ലിയോണ്‍ ഫൈനലില്‍ പ്രവേശിച്ചത്. ഞായറാഴ്ച രാത്രി 11.30നാണ് ഫൈനല്‍.