അബൂദബി: സാമൂഹിക മാധ്യമങ്ങളിലൂടെ വ്യാജമായ ജോലി ഓഫറുകള്‍ പുറത്തു വിടുകയും പണം കൈക്കലാക്കുകയും ചെയ്യുന്ന കമ്പനികള്‍ ധാരാളം പ്രവര്‍ത്തിക്കുന്നതിനാല്‍ തൊഴിലന്വേഷകര്‍ ജാഗ്രത പുലര്‍ത്തണമെന്ന് അബൂദബി പൊലിസ് മുന്നറിയിപ്പ് നല്‍കി.
ആകര്‍ഷകമായ ശമ്പളം ഓഫര്‍ ചെയ്ത് വലിയൊരു തുക തട്ടിയെടുക്കുന്ന ഇത്തരം തൊഴില്‍ മേഖലകളില്‍ അകപ്പെടാതിരിക്കാന്‍ ശ്രദ്ധിക്കണമെന്ന് സുരക്ഷാവിഭാഗം തലവന്‍ സഈദ് മുഹമ്മദ് അല്‍കഹ്ബി അറിയിച്ചു. ഉന്നത കമ്പനികള്‍ വ്യക്തിയുടെ സ്വകാര്യ രേഖകളോ പണമോ ആവശ്യപ്പെടാറില്ല. സാമൂഹിക മാധ്യമങ്ങളിലൂടെയും വ്യാജ സൈറ്റുകളിലൂടെയും നടക്കുന്ന തട്ടിപ്പുകളില്‍ ജാഗ്രത വേണമെന്നും അദ്ദേഹം കൂട്ടിച്ചേര്‍ത്തു.