ന്യൂഡല്‍ഹി: മിലിട്ടറി പൊലിസില്‍ ചേരാനായി വനിതകളില്‍ അപേക്ഷ ക്ഷണിച്ചു. ആദ്യമായാണ് ഇന്ത്യന്‍ സൈന്യം ഈ പദവിയിലേക്ക് വനിതകളുടെ അപേക്ഷ ക്ഷണിക്കുന്നത്. ഓഫിസര്‍ തസ്തികകളിലേക്ക് മാത്രമാണ് ഇതുവരെ വനിതകളെ ക്ഷണിച്ചിരുന്നത്.
വനിതകളെ ജവാന്‍ തസ്തികയിലേക്ക് റിക്രൂട്ട് ചെയ്യുന്നതിനുള്ള ഓണ്‍ലൈന്‍ അപേക്ഷയില്‍ രജിസ്‌ട്രേഷന്‍ ചെയ്യാന്‍ ജൂണ്‍ എട്ട് വരെ കാലാവധിയുണ്ടെന്ന് സൈനിക വൃത്തങ്ങള്‍ പറഞ്ഞു. വനിതകളെ മിലിട്ടറി പൊലിസ് തസ്തികയിലേക്ക് ക്ഷണിക്കുന്ന ചരിത്ര പ്രഖ്യാപനം പ്രതിരോധമന്ത്രി നിര്‍മല സീതാരാമന്‍ കഴിഞ്ഞ വര്‍ഷമാണ് നടത്തിയത്. വ്യോമ, നാവിക സേനകള്‍ക്കൊപ്പം കരസേനയിലും വനിതകളുടെ സാന്നിധ്യം ഉറപ്പുവരുത്താനാണ് ഈ നീക്കമെന്ന് നിര്‍മല സീതാരാമന്‍ പറഞ്ഞിരുന്നു.