തിരുവനന്തപുരം: അയ്യങ്കാളി നടത്തിയ വില്ലുവണ്ടി സമരം വീണ്ടും നടത്തേണ്ട സാഹചര്യമാണ് നിലവിലുള്ളതെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍.
കേന്ദ്ര, സംസ്ഥാന സര്‍ക്കാരുകളുടെ ഭരണത്തില്‍ പട്ടികജാതി പട്ടികവര്‍ഗ വിഭാഗങ്ങളെ തേടിപ്പിടിച്ച് വേട്ടയാടുന്നു. പിന്നാക്ക വിഭാഗങ്ങളോട് ബി.ജെ.പിക്കും സി.പി.എമ്മിനും ഒരേ സമീപനമാണ്. തീവ്രഹിന്ദുത്വ നിലപാട് സ്വീകരിക്കുന്ന പ്രധാനമന്ത്രിയുടെ മനസുനിറയെ സവര്‍ണചിന്താഗതിയാണെന്നും മുല്ലപ്പള്ളി പറഞ്ഞു.
അവസരവാദ രാഷ്ട്രീയമാണ് സി.പി.എം സ്വീകരിക്കുന്നത്. കേരള കോണ്‍ഗ്രസിനെയും കെ.എം.മാണിയേയും വേട്ടയാടിയവരാണ് സി.പി.എമ്മുകാര്‍. പഴയ സംഭവങ്ങള്‍ ഇത്രപെട്ടന്ന് സി.പി.എം പാര്‍ട്ടി സെക്രട്ടറി കോടിയേരി ബാലകൃഷ്ണനും മുഖ്യമന്ത്രിയും മറന്നുപോയോയെന്നും താല്‍ക്കാലിക രാഷ്ട്രീയ നേട്ടമാണ് സി.പി.എമ്മിന്റെ ലക്ഷ്യമെന്നും മുല്ലപ്പള്ളി പറഞ്ഞു.