തേക്കടി: തേക്കടി സെക്ഷനില്‍ ഫോറസ്റ്റ് സ്റ്റേഷന്‍ നിര്‍മാണം പൂര്‍ത്തീകരിച്ചു. ആദിവാസികളുടെയും പരിസ്ഥിതി പ്രവര്‍ത്തകരുടെയും നീണ്ട കാലത്തെ ആവശ്യമാണ് ഇതോടെ സഫലമായത്.ഒരു കോടിയോളം രൂപ ചിലവഴിച്ചാണ് ഫോറസ്റ്റ് സ്റ്റേഷനും അനുബന്ധ കെട്ടിടങ്ങളും നിര്‍മിച്ചിട്ടുള്ളത്. നിര്‍മാണം പൂര്‍ത്തീകരിച്ച തേക്കടി ഫോറസ്റ്റ് സ്റ്റേഷന്‍ ഓഫീസിനടുത്ത് രണ്ട് ക്വാര്‍ട്ടേഴ്‌സുകള്‍, ഡോര്‍മിറ്ററി കെട്ടിടം എന്നിവയുടെ നിര്‍മ്മാണമാണ് പൂര്‍ത്തീകരിച്ചിട്ടുള്ളത്. കൊല്ലങ്കോട് റേഞ്ച് ഓഫീസിന്റെ പരിധിയിലുള്ള പഴയ ഫോറസ്റ്റ് സ്റ്റേഷന്‍ കെട്ടിടത്തിന്റെ ജീണ്ണാവസ്ഥക്ക് പരിഹാരം കണ്ടെത്തണമെന്ന നീണ്ട കാലത്തെ ആവശ്യമാണ് പുതിയ കെട്ടിട നിര്‍മ്മാണത്തോടെ പരിഹാരമായത്. തേക്കടി മേഖലയില്‍ പ്രകൃതി പഠനത്തിന് എത്തുന്ന സംഘങ്ങള്‍ക്ക് ഡോര്‍മിറ്റ സംവിധാനം സഹായകമാകും . ഉദ്ഘാടനം ഒരു മാസത്തിനകം ഉണ്ടാകുമെന്ന് അധികൃതര്‍ പറഞ്ഞു.