പുതുനഗരം : കൊടുവായൂര്‍ ടൗണില്‍ ഗതാഗത കുരുക്കില്‍ ആംബുലന്‍സ് കുടുങ്ങിയത് ഒരു മണിക്കൂര്‍.പൊലിസിനെതിരെ നടപടി വേണമെന്ന് നാട്ടുകാര്‍.അനധികൃത പാര്‍ക്കിങ്ങു്്്മൂലം നെന്മാറയില്‍ നിന്നും പാലക്കാട്ടിലേക്ക് രോഗിയുമായി കടന്ന ആംബുലന്‍സാണ് റോഡരുകില്‍ ചരക്ക് ഇറക്കുന്നതിന്അനധികൃതമായി പാര്‍ക്ക് ചെയ്തത വാഹനം മൂലം ഒരു മണിക്കൂര്‍ ഗതാഗതകുരുക്കില്‍ അകപ്പെട്ടത്.നാട്ടുകാര്‍ വ്യാപാരികള്‍ എന്നിവര്‍ ഏറെ പരിശ്രമിച്ചതിനു ശേഷമാണ് ആംബുലന്‍സ് കടന്നു പോയത്.
രാവിലെയും വൈകുന്നേര സമയങ്ങളിലും റോഡരുകില്‍ അനധികൃതമായി ചരക്ക് വാഹനങ്ങള്‍ പാര്‍ക്ക് ചെയ്യുന്നതാണ് ഗതാഗതക്കുരുക്കിന് കാരണമാകുന്നത്. കയറ്റിറക്കുന്നതിന് പ്രത്യേകം സമയം നിശ്ചയിക്കണമെന്നും രാവിലെ ആറ് മണി മുതല്‍ ഉച്ചക്ക് 11 മണി വരെയും ഉച്ചകഴിഞ്ഞ് മൂന്നു മണി മുതല്‍ രാത്രി എട്ടുമണി വരെയും ട്രാഫിക് പൊലീസിനെ നിയമിക്കണമെന്ന് നിരവധി തവണ നാട്ടുകാര്‍ പുതു നഗരം പോലിസി നോട് ആവശ്യപ്പെട്ടിട്ടും നടപ്പിലാ കാത്തതാണ് ആമ്പുലന്‍സ് ഉള്‍പ്പെടെയുള്ള വാഹനങ്ങള്‍ ഗതാഗതക്കുരുക്കില്‍കുടുങ്ങുവാന്‍ വഴിവെച്ചതെന്ന് നാട്ടുകാര്‍ പറയുന്നു.
പൊലിസിന്റെ സേവനം മിക്ക ദിവസങ്ങളിലും കൊടുവായൂര്‍ ടൗണില്‍ ഉണ്ടാവാറില്ലെന്ന് നാട്ടുകാര്‍ പറയുന്നു.ഇതിനെതിരെ ജില്ലാ കലക്ടര്‍ക്ക് പരാതി നല്‍കാന്‍ തയ്യാറെടുക്കുകയാണ് കൊടുവായൂര്‍ വാസികള്‍