കൊല്ലം: പ്രളയദുരന്തത്തില്‍ ചെങ്ങന്നൂരിലും പരിസരങ്ങളില്‍ രക്ഷാപ്രവര്‍ത്തനം നടത്തിയ കൊല്ലം കടപ്പുറത്തെ മത്സ്യത്തൊഴിലാളികളെ അഖിലേന്ത്യാ മത്സ്യത്തൊഴിലാളി കോണ്‍ഗ്രസ് ജില്ലാ കമ്മിറ്റിയുടെ നേതൃത്വത്തില്‍ ആദരിച്ചു. കൊല്ലം റോട്ടറി ക്ലബ് ഹാളില്‍ നടന്ന ആദരിക്കല്‍ ചടങ്ങ് കെ.പി.സി.സി ജനറല്‍ സെക്രട്ടറി ശൂരനാട് രാജശേഖരന്‍ ഉദ്ഘാടനം ചെയ്തു. പൊതുസമ്മേളനം എന്‍.കെ പ്രേമചന്ദ്രന്‍ എം.പി ഉദ്ഘാടനം ചെയ്തു. ഡി.സി.സി പ്രസിഡന്റ് ബിന്ദുകൃഷ്ണ അധ്യക്ഷത വഹിച്ചു. കെ.സി രാജന്‍, പ്രതാപവര്‍മ്മ തമ്പാന്‍,പ്രഫ. മേരിദാസന്‍, പി. ജര്‍മിയാസ്, സൂരജ് രവി, ജോര്‍ജ് ഡി കാട്ടില്‍, മത്സ്യത്തൊഴിലാളി കോണ്‍ഗ്രസ് ജില്ലാ പ്രസിഡന്റ് ബിജു ലൂക്കോസ്, ലീലാകൃഷ്ണന്‍, ഉദയാ സുകുമാരന്‍, മെര്‍ലിന്‍ ഫ്രാന്‍സിസ്, ജോസ്, മര്യന്‍, രഘുദാസ് സംസാരിച്ചു.