ഫറോക്ക്: ജിദ്ദ ബേപ്പൂര്‍ മണ്ഡലം കെ.എം.സി.സി നിര്‍മിച്ചുനല്‍കുന്ന ആദ്യ ബൈത്തുറഹ്മയുടെ താക്കോല്‍ദാനം നാളെ നടക്കും. വൈകിട്ടു മൂന്നിന് ചാലിയം കൊത്തലത്ത് അവന്യൂവില്‍ നടക്കുന്ന ചടങ്ങില്‍ പാണക്കാട് സയ്യിദ് ബഷീറലി ശിഹാബ് തങ്ങള്‍ നിര്‍വഹിക്കും.
ലീഗ് സംസ്ഥാന സെക്രട്ടറി എം.സി മായിന്‍ ഹാജി, ഉമ്മര്‍ പാണ്ടികശാല, അഷ്‌റഫ് വേങ്ങാട്ട്, എന്‍.സി അബ്ദുല്‍ റസാക്ക് പങ്കെടുക്കും. ആലോചനായോഗം ടി.സി മൊയ്തീന്‍കോയ ഉദ്ഘാടനം ചെയ്തു. അഷ്‌റഫ് നല്ലളം അധ്യക്ഷനായി.
അഷ്‌റഫ് ബഡേരി, സുബൈര്‍ പൊയില്‍തൊടി, കമ്മദ് രാമനാട്ടുകര, സെയ്തലവി എന്ന കുട്ടിമോന്‍, ഫൈസല്‍ മണലൊടി, സൈനുല്‍ ആബിദ് മണ്ണൂര്‍, ജലീല്‍ പെരുമുഖം സംസാരിച്ചു.