കോഴിക്കോട്: മലബാര്‍ ക്രിസ്ത്യന്‍ കോളജ് ജേണലിസം ക്ലബും എം.സി.ജെ ഡിപ്പാര്‍ട്ട്‌മെന്റും ചേര്‍ന്നു മാധ്യമ പ്രദര്‍ശനം സംഘടിപ്പിച്ചു. വടക്കു കിഴക്കന്‍ സംസ്ഥാനങ്ങളിലെ ഇംഗ്ലീഷ് പത്രങ്ങള്‍, ആന്ധ്രയിലെയും തെലുങ്കാനയിലെയും തെലുങ്കു പത്രങ്ങള്‍, 2016 കേരള നിയമസഭാ തെരഞ്ഞെടുപ്പു ഫലത്തിന്റെ വാര്‍ത്തകള്‍ ഉള്‍പ്പെട്ട മേയ് 20ലെ മലയാള പത്രങ്ങള്‍ എന്നിവയാണു പ്രദര്‍ശനത്തിലുണ്ടായിരുന്നത്.
മലബാര്‍ ക്രിസ്ത്യന്‍ കോളജ് ചരിത്ര വിഭാഗം മേധാവി പ്രൊഫ. എം.സി വസിഷ്ഠ് ആണു പത്രങ്ങള്‍ ശേഖരിച്ചത്. പ്രദര്‍ശനം കോഴിക്കോട് പ്രസ്‌ക്ലബ് പ്രസിഡന്റ് കമാല്‍ വരദൂര്‍ ഉദ്ഘാടനം ചെയ്തു.