റിയാദ്: സഊദിക്കെതിരെ വീണ്ടും മിസൈൽ, ഡ്രോൺ ആക്രമണങ്ങൾ നടത്തായുള്ള യമനിലെ വിമത വിഭാഗമായ ഹൂതികളുടെ ശ്രമം തകർത്തു. അതിർത്തി പ്രദേശമായ നജ്‌റാനിൽ സാധാരണക്കാരെയും സിവിലിയൻ കേന്ദ്രങ്ങളും ലക്ഷ്യമിട്ട് വ്യാഴാഴ്ച രാത്രിയാണ് ഹൂതികൾ മിസൈൽ തൊടുത്തുവിട്ടത്. എന്നാൽ, ലക്ഷ്യം കാണും മുമ്പ് തന്നെ ഇവ തകർത്തതായി അറബ് സഖ്യ സേന അറിയിച്ചു.

    കൂടാതെ, സ്‌ഫോടക വസ്തുക്കൾ നിറച്ച ഡ്രോണും സഖ്യസേന തകർത്തു. രണ്ടു തവണകളായാണ് ആയുധ ഡ്രോൺ സഊദിക്കെതിരെ എത്തിയത്. ദക്ഷിണ സഊദിയിൽ സാധാരണക്കാരെയും സിവിലിയൻ കേന്ദ്രങ്ങളും ലക്ഷ്യമിട്ട് തൊടുത്തുവിട്ട പൈലറ്റില്ലാ വിമാനം ഇന്നലെ രാവിലെയാണ് സഖ്യസേന തകർത്തത്. തുടർന്ന് ഇന്നലെ വൈകീട്ട് വീണ്ടും നജ്‌റാൻ ലക്ഷ്യമിട്ട് ഹൂതികൾ ഡ്രോൺ ആക്രമണത്തിന് ശ്രമിച്ചു.