ശ്രീനഗര്‍: ജമ്മു കശ്മിരിലെ പുല്‍വാമയില്‍ നടന്ന ഏറ്റുമുട്ടലില്‍ മൂന്ന് തീവ്രവാദികളെ സുരക്ഷാസേന വധിച്ചു. പുല്‍വാമയിലെ സദൂര മേഖലയിലാണ് ഏറ്റുമുട്ടലുണ്ടായത്.

ജമ്മുകശ്മീര്‍ പൊലിസ്, കരസേന, സി.ആര്‍.പി.എഫ് എന്നിവരുടെ സംയുക്തസംഘമാണ് ഏറ്റുമുട്ടല്‍ നടത്തിയത്.

സംഭവ സ്ഥലത്ത് നിന്ന് വന്‍ ആയുധ ശേഖരവും സുരക്ഷാസേന കണ്ടെടുത്തു. പ്രദേശത്ത് തിരച്ചില്‍ തുടരുകയാണെന്നാണ് റിപ്പോര്‍ട്ടുകള്‍.

ഈ സംഭവത്തോടെ കഴിഞ്ഞ 24 മണിക്കൂറിനിടെ സുരക്ഷാസേന വധിച്ച തീവ്രവാദികളുടെ എണ്ണം ഏഴായി. വെള്ളിയാഴ്ച്ച വൈകീട്ടോടെ ഷോപ്പിയാനിലെ കിലൂറയില്‍ നാല് തീവ്രവാദികളെ സുരക്ഷാസേന ഏറ്റുമുട്ടലിലൂടെ വധിച്ചിരുന്നു.