പൊന്നാനി : പൊന്നാനി മുതല്‍ പരപ്പനങ്ങാടി വരെയുള്ള ജില്ലയുടെ തീരത്ത് ഇന്നലെ ചെമ്മീന്‍ ചാകരയായിരുന്നു. ചെറുതും വലുതുമായ വെള്ള ചെമ്മീനും ചുകന്ന ചെമ്മീനുമാണു വള്ളങ്ങള്‍ക്കു ലഭിച്ചത്. ഇതോടെ തീരം ആഹ്ലാദത്തിലായി.രണ്ടു വള്ളങ്ങള്‍ കൂട്ടിച്ചേര്‍ത്തുകടലില്‍ പോകുന്ന യാനങ്ങള്‍ക്കാണു ചെമ്മീന്‍ ചാകര ലഭിച്ചത്. ബോട്ടുകളില്‍ ഉപയോഗിക്കുന്ന പോത്തന്‍ വലകള്‍ ഉപയോഗിച്ചാണു തീരങ്ങളില്‍ നിന്നു ചെമ്മീന്‍ പിടിക്കുന്നത്. പൊന്നാനി ഉള്‍പ്പെടെയുള്ള ജില്ലയുടെ എല്ലാ തീരങ്ങളിലും ചെമ്മീന്‍ ചാകര ലഭിച്ചിട്ടുണ്ട്. പൊന്നാനിയില്‍ ചെറിയ ചെമ്മീന്‍ കിലോക്ക് 140 രൂപക്കാണു തോണിക്കാര്‍ വിറ്റിരുന്നത്.
ചുവന്ന വലിയ ചെമ്മീന് 200 രൂപയും. 350 രൂപയായിരുന്നു ചെറു ചെമ്മീനിനു നേരത്തേ വില. വേണ്ട രീതിയില്‍ മത്സ്യം ലഭിക്കാത്തതിനെത്തുടര്‍ന്നു തീരം പട്ടിണിയിലായിരുന്നു.