തേഞ്ഞിപ്പലം: പെരുവള്ളൂര്‍ പഞ്ചായത്ത് മുസ്‌ലിം യൂത്ത് ലീഗ് ഭാരവാഹികളെ തിരഞ്ഞെടുത്തു. വള്ളിക്കുന്ന് നിയോജക മണ്ഡലം മുസ്‌ലിം യൂത്ത് ലീഗിന്റെ നേതൃത്വത്തില്‍ പറമ്പില്‍പീടിക ബാഫഖി സൗധത്തില്‍ നടന്ന കൗണ്‍സില്‍ മീറ്റില്‍ ഐകകണ്‌ഠ്യേനയാണ് കമ്മിറ്റി നിലവില്‍ വന്നത്. അഭിപ്രായ വ്യത്യാസത്തെ തുടര്‍ന്ന് കഴിഞ്ഞ രണ്ടുതവണ ചേര്‍ന്ന കൗണ്‍സിലില്‍ കമ്മിറ്റി തീരുമാനമായിരുന്നില്ല.
ഭാരവാഹികള്‍: സി.എ ബഷീര്‍ (പ്രസി), എം.സി അസ്‌കര്‍, എന്‍. ത്വാഹിര്‍, യു.പി അലി (വൈ. പ്രസി), കോയാസ് കാക്കത്തടം (ജന. സെക്ര), സലീം ചുള്ളിയാലപ്പുറായ, സ്വാദിഖ് കൊല്ലംചിന, അയ്യൂബ് സീദ്ദീഖാബാദ് (ജോ. സെക്ര), നിസാര്‍ കൂമണ്ണ (ട്രഷ). മണ്ഡലം യൂത്ത് ലീഗ് ട്രഷറര്‍ നിസാര്‍ കുന്നുമ്മല്‍ കൗണ്‍സില്‍ നിയന്ത്രിച്ചു. പ്രസിഡന്റ് കെ. റഫീഖ്, വൈസ് പ്രസിഡന്റ് ഇ. ഗുലാം ഹസന്‍ ആലംഗീര്‍ സംബന്ധിച്ചു.