തേഞ്ഞിപ്പലം: രാജ്യത്തെ മുഴുവന്‍ കേന്ദ്ര സര്‍വകലാശാലകളിലെയും അധ്യാപക-അനധ്യാപക നിയമനങ്ങള്‍ കൊവിഡ് അനിശ്ചിതത്വം അവസാനിക്കുന്നതു വരെ നിര്‍ത്തിവയ്ക്കാന്‍ കേന്ദ്ര സര്‍ക്കാര്‍ വൈസ് ചാന്‍സലര്‍മാര്‍ക്ക് കത്തയച്ചു. ഉന്നത വിദ്യാഭ്യാസ വകുപ്പിനു വേണ്ടി വിദ്യാഭ്യാസ മന്ത്രാലയത്തില്‍ നിന്നാണ് ഇതുസംബന്ധിച്ച ഉത്തരവ്.
ആശുപത്രികളില്‍ ഡോക്ടര്‍മാര്‍, നഴ്‌സുമാര്‍ തുടങ്ങിയ തസ്തികകളില്‍ ഓണ്‍ലൈന്‍ അഭിമുഖം നടത്തി നിയമനം നടത്താമെന്നും ഉത്തരവില്‍ പറയുന്നു. കേരളത്തിലെ വിവിധ സര്‍വകലാശാലകളിലും ഓണ്‍ലൈന്‍ വഴിയുള്ള അധ്യാപക നിയമനത്തിനുള്ള നീക്കം നിര്‍ത്തിവയ്ക്കണമെന്ന് ആവശ്യപ്പട്ട് സേവ് എജ്യുക്കേഷന്‍ ഫോറം കേന്ദ്ര സര്‍ക്കാരിന് കത്തയച്ചിട്ടുണ്ട്.