ബാഴ്‌സലോണ: കൊവിഡ് കാലത്ത് ആളുകള്‍ ഏറ്റവും കൂടുതല്‍ ഗൂഗിളില്‍ സേര്‍ച്ച് ചെയ്തത് കൊവിഡിനെ കുറിച്ചുള്ള വാര്‍ത്തകളായിരുന്നു. എന്നാല്‍ നാല് ദിവസത്തിനുള്ളില്‍ ഫുട്‌ബോള്‍ ഇതിഹാസം മെസ്സി ഈ കണക്കെല്ലാം പഴങ്കഥയാക്കിയിരിക്കുകയാണിപ്പോള്‍.
നാല് ദിവസം കൊണ്ട് ലോകത്തുള്ളവര്‍ ഏറ്റവും കൂടുതല്‍ ഗൂഗിള്‍ ഉപയോഗിച്ചത് മെസ്സിയെ കുറിച്ചുള്ള വാര്‍ത്ത അറിയാനായിരുന്നു. കൊവിഡ് കണക്കുകള്‍ മുന്‍നിരയിലെത്താന്‍ മാസങ്ങളെടുത്തുവെങ്കില്‍ മെസ്സിയുടെ കണക്കുകള്‍ ഉയര്‍ന്നത് വെറും നാല് ദിവസം കൊണ്ടായിരുന്നു. മെസ്സിയുടെ കൂടുമാറ്റ അഭ്യൂഹം പുറത്തുവന്നതിന് പിന്നാലെയാണ് ലോകത്താകമാനമുള്ള ആളുകള്‍ മെസ്സിയെ ഗൂഗിളില്‍ സേര്‍ച്ച് ചെയ്തത്.
ക്ലബ്ബ് ചരിത്രത്തിലെ തന്നെ ഏറ്റവും ഉയര്‍ന്ന തുകയ്ക്കുള്ള കൈമാറ്റമാകും മെസ്സിയുടെ കാര്യത്തില്‍ സംഭവിക്കുകയെന്ന് ഉറപ്പാണ്. ക്ലബ്ബ് വിടാന്‍ താല്‍പര്യം അറിയിച്ച് മെസ്സി തന്നെ ബാഴ്‌സലോണ മാനേജ്‌മെന്റിന് ഫാക്‌സ് അയിച്ചിരുന്നു. ഇതിന് പിന്നാലെയായിരുന്നു ആളുകള്‍ ഗൂഗിളില്‍ മെസ്സിയെ തിരഞ്ഞത്.