തേഞ്ഞിപ്പലം: ചേലേമ്പ്ര പഞ്ചായത്തിലെ വിവിധ ഹോട്ടലുകളിലും കൂള്‍ബാറുകളിലും ആരോഗ്യ വകുപ്പ് ഇന്നലെ പരിശോധന നടത്തി. ഖര, ദ്രവ, മാലിന്യ സംസ്‌കരണം കൃത്യമായി പാലിക്കാത്ത ഒരു ഹോട്ടല്‍ കൂടി ആരോഗ്യവകുപ്പ് അടച്ചു പൂട്ടി. ചേലേമ്പ്ര പഞ്ചായത്തിലെ കാക്കഞ്ചേരി പൈങ്ങോട്ടൂരിലെ ഹോട്ടലാണു മാലിന്യ പ്രശ്‌നം കൃത്യമായി പരിഹരിക്കാത്തതിന് ആരോഗ്യ വകുപ്പ് അടച്ചു പൂട്ടിച്ചത്.
ചേലേമ്പ്ര പ്രാഥമികാരോഗ്യ കേന്ദ്രം എച്ച്.ഐ.എ രാമനാഥന്റെ നേതൃത്വത്തില്‍ ജെ.എച്ച്.ഐ മാരായ കെ. വിജയ ലക്ഷ്മി, പി.പി മുഹമ്മദ് ഷമീര്‍ എന്നിവരടങ്ങുന്ന ഹെല്‍ത്ത് സ്‌ക്വാഡാണ് പരിശോധനക്കെത്തിയത്.