പള്ളിക്കല്‍: പള്ളിക്കലില്‍ ആരോഗ്യ വകുപ്പും പഞ്ചായത്ത് ഉദ്യോഗസ്ഥരും ഇന്നലെ നടത്തിയ പരിശോധനയില്‍ ചില കടകളില്‍ നിന്നു പഴകിയ ഭക്ഷണ സാധനങ്ങളും കാലാവധി കഴിഞ്ഞ സോഫ്റ്റ് ഡ്രിങ്കുകളും പിടിച്ചെടുത്തു. പള്ളിക്കല്‍ കാവുംപടിയിലെ സ്ഥാപനത്തില്‍ നിന്നും ജ്യൂസടിക്കാന്‍ വച്ചിരുന്ന പഴകിയ പഴ വര്‍ഗ്ഗങ്ങള്‍ ഫ്രീസറില്‍ നിന്നു പിടിച്ചെടുത്ത് നശിപ്പിക്കുകയും ആയിരം രൂപ പിഴ ഈടാക്കുകയും ചെയ്തു.
അമ്പലവളവിലെ സ്വകാര്യ ചെരുപ്പ് കമ്പനി പരിസരത്ത് മാലിന്യം കൂട്ടിയിട്ടതിന് രണ്ടായിരം രൂപ പിഴ ഈടാക്കി. പള്ളിക്കല്‍ ബസാര്‍ ടൗണില്‍ പതിനഞ്ചോളം കടകളില്‍ പരിശോധന നടത്തി. ചില കടകളില്‍ നിന്നു പഴകിയ ഫ്രൂട്ട്‌സുകളും കാലാവധി കഴിഞ്ഞ സോഫ്റ്റ് ഡ്രിങ്കുകളും പിടികൂടി. ഇവര്‍ക്ക് താക്കീത് നല്‍കുകയും വരും ദിവസങ്ങളില്‍ നടത്തുന്ന പരിശോധനയില്‍ ഇത്തരത്തില്‍ ശ്രദ്ധയില്‍പ്പെട്ടാല്‍ കര്‍ശന നടപടി സ്വീകരിക്കുമെന്നും കടക്കാര്‍ക്ക് മുന്നറിയിപ്പ് നല്‍കി.