ചാപ്പനങ്ങാടി: റോഡിനോടു ചേര്‍ന്നുള്ള തെരുവോര മത്സ്യക്കച്ചവടം യാത്രക്കാര്‍ക്ക് ബുദ്ധിമുട്ടുണ്ടാക്കുന്നതായി പരാതി. ചട്ടിപ്പറമ്പ്-പെരിന്തല്‍മണ്ണ റോഡിലാണ് വാഹനങ്ങള്‍ക്കും കാല്‍നടയാത്രക്കാര്‍ക്കും ഒരുപോലെ ബുദ്ധിമുട്ടുണ്ടാക്കുന്നത്. റോഡിന്റെ വശങ്ങളില്‍ കൂട്ടിയിട്ട് കച്ചവടം നടത്തുന്നതിനാല്‍ വാഹനങ്ങളിലെത്തുന്ന ആവശ്യക്കാര്‍ ഏറെയാണ്.
വാഹനങ്ങളുടെ പാര്‍ക്കിങ്ങും മത്സ്യം വാങ്ങാനെത്തുന്നവരുടെ തിരക്കും കാരണം ഇതുവഴിയുള്ള യാത്ര ദുരിതമാകുന്നുവെന്നാണ് യാത്രക്കാര്‍ പരാതിപ്പെടുന്നത്.
പെരിന്തല്‍മണ്ണ ഭാഗത്തേക്ക് ആശുപത്രിയിലേക്കുള്ള ആംബുലന്‍സ് സര്‍വീസും ഏറെയുള്ളതിനാല്‍ ഗതാഗത തടസം രോഗികള്‍ക്കും ഏറെ ബുദ്ധിമുട്ടുണ്ടാക്കുന്നുണ്ട്.