തിരുവനന്തപുരം: നൂറു ദിവസത്തെ പ്രത്യേക കര്‍മപരിപാടി പ്രഖ്യാപിച്ച് മുഖ്യമന്ത്രി പിണറായി വിജയന്‍.സര്‍ക്കാരിന്റെ നേട്ടങ്ങള്‍ അദ്ദേഹം വ്യക്തമാക്കി.
കൊവിഡ് പ്രതിസന്ധിക്കിടയിലും സന്തോഷകരമായ ഓണം ഉറപ്പുവരുത്താന്‍ ശ്രമിച്ചു.100 ദിവസങ്ങളിലായി 100 കര്‍മപദ്ധതികള്‍ ആവിഷ്‌കരിക്കും. കൊവിഡ് മഹാമാരിയെ മറികടകക്കാനുള്ള പദ്ധതിയാണ് ആവിഷ്‌കരിക്കുന്നത്.

ക്ഷേമപദ്ധതികളും വികസന പദ്ധതികളും നടപ്പാക്കുമെന്നായിരുന്നു സര്‍ക്കാരിന്റെ വാഗ്ദാനം. അവ നടപ്പില്‍ വരുത്തിയ കാര്യങ്ങളുടെ പ്രോഗ്രസ് കാര്‍ഡ് റിപ്പോര്‍ട്ട് സമര്‍പ്പിച്ചിട്ടുണ്ട്.സാധാരണക്കാര്‍ക്ക് നേരിട്ട് പരമാവധി സമാശ്വാസ സഹായം എത്തിക്കും.സംസ്ഥാനത്ത് ഭക്ഷ്യകിറ്റ് വിതരണം നാല് മാസം കൂടി തുടരും. റേഷന്‍ കട വഴിയായിരിക്കും കിറ്റ് വിതരണം.

• പെന്‍ഷന്‍ മാസം തോറും വിതരണം ചെയ്യും.
• നൂറു ദിവസത്തിനുള്ളില്‍ ആവശ്യമായ ജീവനക്കാരെ ആരോഗ്യരംഗത്ത് നിയമിക്കും.
• ടെസ്റ്റുകളുടെ എണ്ണം പ്രതിദിനം അരലക്ഷമായി ഉയര്‍ത്തും.
• പ്രാഥമികാരോഗ്യ കേന്ദ്രങ്ങളെ ആശുപത്രിയുടെ സൗകര്യങ്ങളുള്ള കുടുംബാരോഗ്യ കേന്ദ്രങ്ങളാക്കി മാറ്റും.
• നൂറു ദിവസങ്ങളില്‍ 153 പുതിയ കുടുംബാരോഗ്യ കേന്ദ്രങ്ങള്‍ ഉദ്ഘാടനം ചെയ്യും. രാവിലെയും വൈകുന്നേരവും ഒപി ഉണ്ടാകും.
• സ്‌കൂളുകളുടെ പ്രവര്‍ത്തനം ആരംഭിക്കുന്നതോടെ സര്‍ക്കാര്‍ സ്‌കൂളുകളില്‍ കൂടുതല്‍ സൗകര്യങ്ങള്‍ ഒരുക്കും. പുതിയ കെട്ടിടങ്ങള്‍ നിര്‍മിക്കും. 250 പുതിയ സ്‌കൂള്‍കെട്ടിടങ്ങളുടെ പണി ആരംഭിക്കും.
• എല്‍പി സ്‌കൂളുകള്‍ എല്ലാം ഹൈ ടെക്ക് ആക്കി മാറ്റും.
• അഞ്ചു ലക്ഷം കുട്ടികള്‍ക്ക് ലാപ്‌ടോപ്പുകള്‍ എത്തിക്കുന്നതിനുള്ള വിദ്യാശ്രീ പദ്ധതി പൂര്‍ത്തികരിക്കും.
• 11400 ഹൈടെക് കമ്പ്യൂട്ടര്‍ ലാബുകള്‍ തുറക്കും
• കോളജുകളില്‍ 150 പുതിയ കോഴ്‌സുകള്‍ തുടങ്ങും.
• കോളജ്‌ ഹയര്‍ സെക്കന്‍ഡറി മേഖലകളില്‍ ആയിരം പുതിയ തസ്തികകള്‍ സൃഷ്ടിക്കും.
• 15000 നവസംരംഭങ്ങളിലൂടെ അമ്പതിനായിരം പേര്‍ക്ക് കാര്‍ഷികേതര മേഖലകളില്‍ തൊഴില്‍ നല്‍കും.
• 5000 ഗ്രാമീണ റോഡുകളുടെ പുനരുദ്ധാരണത്തിന് തുടക്കം കുറിക്കും.
• 189 പൊതുമരാമത്ത് റോഡുകള്‍ ഗതാഗതത്തിന് തുറന്നുകൊടുക്കും.
• 158 കിമി കെഎസ്ടിപി റോഡുകള്‍, 21 പാലങ്ങള്‍ എന്നിവയും ഉത്ഘാടനം ചെയ്യും.
• 41 കിഫ്ബി പദ്ധതികള്‍ നവംബറിനകം ഉദ്ഘാടനം ചെയ്യും.
• ഒന്നരലക്ഷം പേര്‍ക്ക് കുടിവെള്ള കണക്ഷണ്‍.
• പത്ത് സ്‌പോര്‍ട്‌സ് സ്‌റ്റേഡിയങ്ങള്‍ ഉദ്ഘാടനം ചെയ്യും.
• ശബരിമലയില്‍ 23 കോടിയുടെ മൂന്ന് പദ്ധതികള്‍.
• 15 പൊലിസ്‌ സ്‌റ്റേഷനുകള്‍ ഉദ്ഘാടനം ചെയ്യും. 15 സൈബര്‍ സ്‌റ്റേഷനുകളും തുടങ്ങും.