തൊടുപുഴ: മലമടക്കില്‍ നാണയക്കിലുക്കമായി വീണ്ടും സുഗന്ധറാണി. മുന്തിയ ഇനം ഏലത്തിന് കിലോഗ്രാമിന് 3000 രൂപയാണ് ഇന്നലെ ലഭിച്ചത്.
വണ്ടന്മേട് മാസ് എന്റര്‍പ്രൈസസിന്റെ ആഭിമുഖ്യത്തില്‍ നടന്ന ലേലത്തിലാണ് റെക്കോഡ് വില ലഭിച്ചത്. ശരാശരി വില 30 രൂപ കൂടി ഉയര്‍ന്ന് 2154.01 എത്തി.
27030.4 കിലോ ഏലയ്ക്ക 151 ലോട്ടുകളായി ആണ് ഇന്നലെ വില്‍പ്പനക്കെത്തിച്ചത്. മാര്‍ച്ച് 20 വരെ ശരാശരി 1300-1550നും ഇടയില്‍ നിന്ന വില ഇതിന് ശേഷമാണ് ഉയരാന്‍ തുടങ്ങിയത്.